不少女性球迷都好想擁有像西班牙靚仔前鋒費蘭度托利斯(Fernando Torres)的男人做老公或者男朋友,不過「烈女」楊千嬅就不用了,因為她已經擁有一個Torres,她與丈夫丁子高的一歲多囝囝丁進諾英文名便叫Torres。千嬅表示,由於老公及奶奶均喜歡睇波,知道費蘭度托利斯又靚仔、球技又好,所以希望囝囝長大後像「費托」那樣,英俊又有成就。一望楊千嬅囝囝Torres個名,好多人都會即時聯想到効力車路士的西班牙前鋒費蘭度托利斯,原來這個英文名,是老公丁子高於囝囝出世前已經諗定。不說不知,原來丁子高媽媽是球迷,Torres這個名字也是她的建議,因為丁媽媽很喜歡費蘭度托利斯,而千嬅亦認為自己囝囝同費托一樣屬「帥哥」級。撐西班牙衞冕問到世界盃就到,千嬅會捧哪一隊?她說:「平時好少陪老公睇波,有時間都瞓覺啦!不過世界盃係四年一度嘅盛事,都會陪佢哋睇吓,研究就冇乜㗎喇,既然我個仔叫得Torres,我梗係識Torres啦,要撐就撐西班牙衞冕。」不過,丁子高就表示,雖然Torres是媽媽最愛的球星,又是囝囝的名字,但自己並非西班牙球迷:「我本人就喜歡意大利多一點,世界盃點都會盡量抽時間捧場,或者同朋友包餐廳或者到卡拉OK睇波。」星洲Fans睇貴價世盃新加坡電訊宣布獲得2014世盃獨家播映權,不過各大新加坡球迷應該「笑唔出」!事關今次要睇足64場決賽周賽事,市民就要向電訊商支付112.35坡幣購買「世盃套餐」,即大約689港紙,好過去搶!三間Online Game請你到巴西入場睇世盃不是夢!adidas以美斯做主角,推出一款名為《Fast or Fail》的網上遊戲,玩家需要用最快時間去扭過對手入波,時間最快的玩家可免費獲得兩張到巴西的機票、住宿及阿根廷首場分組賽鬥波斯尼亞的波飛。街童世界盃今日Kick Off「街童世界盃」今日巴西開波。這個由慈善機構Save the Children Fund舉辦的賽事,目的是為了讓更多人關注世界各地的街童。男子組有15個國家參賽,女子組有9隊。大會將整個賽事剪成短片,再由前巴西國腳基拔圖施華作旁述。