歌手洪卓立（Ken）日前相約唱片公司同事放狗之餘，順道為新歌《內有愛犬》拍MV，他自言「處男下海」初嘗當導演滋味：「覺得做導演好過癮，以前成日畀導演點，依家我就點人，要人哋交戲，做導演之外，我都有演埋一份。」花了數小時拍攝後，Ken還要回家親手剪片，他說：「都係第一次學剪片，依家我仲要問人攞剪片嘅電腦程式，學多樣嘢當增值自己。」

洪卓立攬住狗仔拍MV，自導自演。

湯怡在Facebook上載帶狗出街短片。

問到拍攝時可有趣事？他說：「拍攝小動物對導演嚟講係幾難，好彩我同女友湯怡兩隻狗出奇咁乖，冇周圍走、周圍屙令我出醜，不過同事隻狗仔就喺我哋啲袋屙尿霸地盤，好在我個袋冇中招。」談及拍攝當日，湯怡在Facebook上載帶狗出街短片，片中隱若聽到疑似Ken扮狗叫的聲音，Ken否認拍攝當日女友同行，又稱早前已跟女友拍MV，新MV不用女友出鏡。