面對商界同勞工界就輸入外勞嘅爭拗不斷升溫，勞工及福利局局長張建宗早就打晒開口牌話會小心處理，日前勞顧會開會通過加入「人力清單」，加快輸入建造業外勞嘅流程。做完一場大龍鳳之後，好似營造到勞資雙方有共識嘅局面，但實際上矛盾未解，仲未釋除到市民對輸入外勞搶本地工人飯碗嘅疑慮，日後更可能引起勞方更大嘅反彈，到時睇吓張建宗點拆呢個「怨氣炸彈」？
