昨日網上瘋傳一段疑似金剛與女藝人的春宮片，片中男主角髮型及留鬚位置似足金剛！金剛昨日回應事件時四次大呼：「真係『巧』似我！」又否認拍類似電影，而跟他齊齊「欣賞」該片的女友陳蕊蕊亦連番表示「樣似身唔似」！

金剛疑似春宮片流出，他自己也連呼好似！

蕊蕊得知男友有疑似「春宮片」，不但不介意，還與金剛一齊睇！

早在2011年電影DVD版《Laughing Gor之潛罪犯》有「露械」前科的金剛，昨日被網友瘋傳一段歷時三分半鐘的片段，聲稱是「金剛與一女藝人的春宮片」，片中男主角樣貌與金剛驟看非常相似，其剷青髮型及留鬚位亦似足金剛，該片一流出旋即成為網友熱話，並感到嘩然。

但細看男主角身上沒有任何紋身，但金剛右手手臂及兩小腿均有大面積紋身；男主角耳形頂部較圓，相反金剛耳形頂部較尖；男主角右膊有毛，但金剛則沒有！足證金剛只是被網友大整蠱！而片中女主角隨即被網友起底，乃是有「AV界連詩雅」之稱的26歲日本女優永澤真央美。

對於有疑似春宮片曝光，金剛昨日受訪時說：「真係巧（好）似我！我自己第一眼睇都覺得巧似，人哋條片打晒燈，根本係鹹片嚟！我都唔拍呢啲嘢嘅！真係巧似我，但唔巧以為光頭有鬚就係我先得o架！雖然我都知真係巧似！」睇得相當仔細的他又笑說：「個男人未進化，膊頭有毛o架，我都冇毛嘅！」問到可會怕影響形象，他說：「都唔係我，怕咩啫！我係覺得好好笑囉！」

同蕊蕊一齊欣賞

而女友陳蕊蕊則大方表示二人齊齊「欣賞」該片：「我哋一齊睇嘅！真係好似佢囉！個樣似，但一睇個身就知唔係，我好清楚！同埋嗰個男人都冇紋身！（邊個Fit啲？）梗係片入面嗰個啦！」

雖未知該片男主角是誰，但碰巧日本AV界亦有一名叫「AV金剛」的男優谷口政夫！