前有線主播譚凱琪（Zoie）早前離開効力六年的公司，轉投無綫，準備展示主持以外的多方面演藝才能，邁向新公司的彩色旅途，就像村上春樹筆下小說人物多崎作那樣，掌握色彩繽紛的人生！

Zoie毅然辭去主播一職，為的只是一圓演戲夢。

Zoie笑起來甜美可人，一定大把角色等住做！

翠如（左）轉入無綫拍劇拍得開心，令Zoie決定「跟風」。

雖然轉投新公司，但譚凱琪不忘感激舊公司的栽培：「轉公司唔係舊公司唔好，係我想求變，喺有線6年事業好似入咗樽頸位，因為我鍾意演戲，想趁有機會試吓！多謝有線喺我無助時畀好多機會我，做旅遊節目係優差，6年間去咗廿幾個國家，有好多開心嘅回憶！辭職都要好大勇氣，因為去新公司好多嘢要重新開始，冇人會知將來點！以前我都以為會喺公司守住個崗位，但人生充滿轉變，我想還自己心願，就當我任性啦！」

跳槽唔諗咁多

「任性」的Zoie跳槽前甚至沒有向黃翠如及梁嘉琪等先行者取經，她說：「我只知道佢哋入咗TVB後都好開心，咁已經令人好放心！我希望入TVB後Keep住有劇拍，我都拍過戲，但拍劇經驗少。（唔再主持旅遊節目？）時間許可會做，始終想多啲拍劇，演戲仲係摸索中，有機會想喺視帝黎耀祥身上偷師，又想同羅蘭姐合作！以前拍《陰陽路》系列時同佢見過面，但冇乜對手戲，知道佢哋都係好肯教人嘅前輩，所以希望向佢哋多多學習。」