好多環保組織均指廢塑料「入多於出」，而有關廢料大量落入堆填區。環境局副局長陸恭蕙承認本港回收率有偏差，仲隨即將個波踢咗畀回收商，話佢哋對出口定義存在誤解，報關時誤將轉口塑膠當本地生產，就連海關都冇數字，點都冇得跟。表面上，呢個理由尚算講得通，但香港本身都有大量廢塑膠棄置堆填區，解決問題嘅癥結係要搞好源頭減廢，唔好得個講字。
