性感女星文凱玲（Connie）樣貌身材兼備，愛旅遊的她經常有異地艷遇，更試過被一群中東俊男包圍，邀請她到夜店狂歡！不過Connie直認最愛港男，因文化背景相同「啱晒嘴形」！

Connie擁有一雙修長美腿，獲不少電影起用扮演性感女的角色。

Connie不介意被「定型」，認為每一次演出都是機會！

Connie（左二）曾與許亦妮（左起）、夏尉喻等合作《夜蒲3》。

港姐出身的文凱玲（Connie）近年踩入影壇，擁有豐胸長腿的她多在銀幕上晒身材，最近拍攝的電影《唐伯虎衝上雲霄》及正上映的《黑色喜劇》中都有性感演出，她更在電影《喜愛夜蒲3》中飾演主角許亦妮的好友，一開場兩人已與多名不同國籍的猛男「激戰」完畢，只穿白恤衫的Connie真空上陣，意識大膽令人難忘！最近她簽約成為監製王晶的旗下藝人，成為新一代「晶女郎」，將會有更多拍戲的機會。

杜拜俊男群邀夜蒲

戲中愛「集郵」，現實中的Connie則愛周遊列國，結交不少外籍朋友，未知是否皮膚白滑，Connie經常吸引中東及印度人，她自爆最難忘的是有次在飛機上邂逅一群靚仔杜拜男：「嗰班中東靚仔又高大又後生，圍埋嚟係咁讚我可愛，仲邀請我去杜拜酒吧！可惜我第二朝有嘢做，冇去到。」

雖然常常吸引外國猛男，但Connie表示未試過異國戀，因為她最喜歡的仍是土生土長的「港男」：「我以前啲男朋友最遠只係內地人同台灣人，有得揀都係鍾意香港人！就算我英文OK，始終廣東話溝通得好啲，文化背景都近啲，好多外國朋友都唔係好鍾意食中國嘢，連鳳爪都唔敢食，唔係咁理解。」

此外，問到多作性感演出會否怕被「定型」？自認新人的Connie自言珍惜每次機會，但亦希望作不同嘗試，有機會想做打女及扮醜女：「其實性感都係角色同活動需要，唔會諗收起定刻意搶鏡，最近傾緊部電影會有新嘗試，到時睇大家鍾意邊一個我！」