去年九月以3.15元上市的天喔國際(01219),股價喺一月底低見2.91元後反覆回升,尋日下跌2.8%至3.37元,挨近上升軌底部支持,建議策略係高沽低買,短炒目標睇頂部3.8元。

睇番成績表,天喔去年多賺近三成至2.8億元人仔,但撇開上市開支,實際增長近三成半至3億元人仔,期內毛利率亦由12.8%升至15.6%。公司業務同旺旺(00151)有啲相似,都係從事製造及分銷飲料、食品、零食及其他產品,只不過就多咗酒精飲料,去年第三方品牌酒精飲料更係佢主要利潤來源。未來計劃攻埋農村市場、繼續物色收購機會。現有三個工業園及三個工廠,成都工業園於明年初投產,有助進一步拓展內地西南部。

天喔國際(01219)

阻力位:3.8元

支持位:3.1元