正所謂「音樂無國界」，樂隊Supper Moment四子早前去了日本六天，與當地的日本樂隊Survive Said The Prophet合作，在日本舉行了兩場Band Show，實行要跳出語言的框框，用音樂感動歌迷！Supper Moment是次日本之行，紛紛感受到日本樂隊及當地的音樂文化的強大，兼且尋回玩音樂的赤子之心，他們說：「我哋都擴闊咗自己嘅眼界，感受到日本音樂世界帶嚟嘅震撼！又令我哋回到最初夾隊嘅純真日子，冇任何包袱。」

樂隊Supper Moment四子早前到日本出席Band Show，大讚當地粉絲熱情。

四子坦言只以廣東話、英語再夾雜有限度的日語與現場的日本粉絲溝通，更大讚當地的粉絲很快投入音樂當中，一齊又唱又跳：「佢哋好願意學講廣東話，例如我哋喺台上面講『態度』兩個字，台下面嘅日本朋友都會跟住一齊講，同嘗試去理解吓當中嘅意思。」

另外，四子在短暫的旅程中，亦把握時間欣賞日本的醉人景色：「凌晨三點由東京搭五個鐘車去仙台，朝早七點中途休息嗰陣，大家都係第一次見到雪，仲即刻落車玩雪堆雪人，又狂影相，仲有食到河豚刺身，都好難忘！」