近日藝人「爸B」李霖恩(Glen)憑真人騷《爸B也Upgrade》與四歲囡囡李清宜齊齊人氣急升,Glen大爆自該節目播出後,清宜便變乖:「依家佢仲出名過我,個個見到佢都要請佢食糖!不過佢乖咗好多,我講過唔准佢再食糖,有次人哋請佢食,佢就『苦瓜乾』咁喊住拒絕人哋!仲有次佢畀媽咪笑喺節目裏面偷食,就返咗入房狂喊,反省之後就成日話要減肥!」Glen又大爆聰明的囡囡借「減肥」之名偏食,令他哭笑不得:「佢好醒目!我一叫佢食菜或者食啲唔鍾意嘅嘢,佢就話要減肥唔食,又成日話自己瘦咗,撒嬌要我抱!」

Glen雖然不時被囡囡激到哭笑不得,但言談之間父愛洋溢。

囡囡成日纏住要抱抱,真係識氹爸B!