周麗淇於新劇中的角色遇上不忠男，問到現實生活中有否遇過「賤男」時，她笑言不記得，更指故事反映男人不可共富貴，只可共患難。

周麗淇表示新劇反映出男人通病，多數發達後便會拋棄糟糠。

周麗淇指馬國明「傻更更」很適合劇中角色。

黃智雯（圖）與楊詩敏一同出席活動，為新劇試造型。

楊詩敏

馬國明、周麗淇、黃智雯、袁偉豪、陸永、楊詩敏及古明華等昨日到將軍澳電視城為無綫重拍劇集《流氓皇帝》試造型，馬國明與周麗淇分別扮演當年鄭少秋與李司棋的角色，周麗淇劇中被發達後變得不忠的馬國明拋棄，她表示忘記現實中可曾遇過不忠情人：「唔好嘅嘢唔記得喇！今次角色講我好單純，對馬國明好專一，但係佢有錢之後就去玩女人，劇中反映一個訊息係男人可以共患難唔可以共富貴。」她又笑言期待與馬國明合作：「佢出名天然呆，做傻吓傻吓嘅角色好啱佢！」

指男人有錢就身痕

周麗淇今次飾演李司棋當年的經典角色易蓉蓉，由十多歲演到六十多歲，還第一次化老妝，她表示不擔心觀眾將兩劇比較。

而馬國明重新演繹當年鄭少秋所扮演的朱錦春，其後誤打誤撞成為皇帝，馬國明說：「當年播嗰陣自己好細，依家年輕嘅觀眾好多都未睇過呢套經典劇，監製反而叫我唔使模仿秋官，用自己嘅演繹方法就得，所以冇壓力！」

劇中馬國明飛黃騰達後對周麗淇不忠，他指現實中未試過「出軌」：「暫時未，將來唔知，但呢個係好多男人嘅病，少年得志都會係咁，但係我仲未發達就唔知喇！」