無綫藝人黃穎君（Burmie）早前戴四方帽影畢業照，她說：「過去4年都係過住半工讀生涯，畢業嗰刻我冇咩太強烈感覺，淨係最唔捨得一班同學！記得以前一邊工作一邊讀書，同學成日約食飯，我都要開工去唔到，後來入咗TVB工作，開始識得控制時間，同班同學反而多咗Gathering，不過因為最近拍劇，唔係返好早就係收好夜，又少咗見面，始終我啱啱由主持轉做演員，有好多嘢都要慢慢適應。」

Burmie着上畢業袍展露燦爛笑容，睇見都開心！

問到教育文憑畢業為何不教書？她說：「我見到個個同學都好有目標，有好多計劃，有穩定嘅工作，我都戥佢哋開心，但我希望趁後生乜都試吓，因為主持同演員要求唔同，我對自己嘅期望都唔同，新一年希望盡快Pick Up拍劇工作！」