杜汶澤、袁嘉敏和曾國祥日前接受訪問，宣傳有份演出的新片《3D豪情》，對於瞓身演出的阿澤事先張揚減磅操肌「迎戰」一眾日本AV女優，他笑言可媲美張家輝接拍《激戰》。雖被指「艷福無邊」，阿澤卻有苦自己知：「場場戲分Shot拍，想展示『巨龍傳說』、話畀人聽我哋唔係『東亞病夫』都冇機會！每次導演叫Cut，工作人員只會一窩蜂衝上用毛巾遮掩女優嘅胴體，我就頭耷耷去搵番自己條內褲着，唔通我真係唔使遮？」

曾國祥（左起）、杜汶澤和袁嘉敏，齊齊宣傳的新片《3D豪情》。

談到拍戲難忘事，阿澤搞笑地說：「試過有日女優葵司騎咗喺我身上，因為燈光師打緊燈，佢竟然瞓着咗，搞到我想問句：『樓上嗰個究竟想點？』」今次與6、7位女優大演「對手戲」，阿澤公餘時與她們閒話家常，談到「人類最強Body」沖田杏梨大學畢業兼彈得一手好鋼琴，卻選擇人前赤身露體，阿澤說：「佢話自己擁有42L咁豐滿上圍，唔攞出嚟同人分享係暴殄天物，佢嘅理論都有道理，唔好浪費地球資源嘛！」不過論到女拍檔的身材，阿澤仍然「鍾情」夕樹舞子，又笑指對方乃AV界「一代宗師」。