賈曉晨（JJ）升呢做導演拍音樂微電影，提到找「警鐘胸」Jessica C.合作，她笑言可以溝通到︰「我將識嘅嘢教佢哋，所以拍攝時經常同演員溝通，同JC用英文溝通到，哈哈！當然加埋身體語言啦！」

JJ直言做導演是興趣，會再拍更多作品。

今次JJ還與男友樊少皇情侶檔合唱，她笑說︰「佢即刻作咗兩首歌畀我，大家一齊唱有少少爭議，佢好鍾意震音，但我唔係好鍾意，之後大家拎個平衡，叫佢震少啲。」她又大爆男友勁鍾意唱歌︰「佢同我講細細個時成日打畀啲姨媽，喺電話度唱歌畀佢哋聽，好好笑！」