疑似金剛春宮片網上瘋傳，作為金剛好友的錢嘉樂甚至曾與金剛傳緋聞的張嘉兒和蔡慧欣都不知情，但錢國偉稱曾經看過該片，跟金剛關係密切的他斷定片中男角不是真身！他昨日表示前晚已看過，並指一定不是金剛，他說：「佢手臂有紋身喎！呢條片個男角都冇，一定唔係佢！（可能之前拍？）條片質素睇得出係近年科技，金剛個紋身係佢嚟香港發展前已有，距離依家都5、6年啦！（點解咁肯定？）金剛幫我拍咁多集《獎門人》，見佢着唔少泳褲，佢身上同對腳嘅特徵我好清楚，佢依家好乖o架！喺我套新戲《台北夜蒲團》中演同志，因為唔可以同女仔太親密！」而張嘉兒則笑說：「我都唔知有呢條片，未睇過！（金剛自己都覺似？）咁就有興趣睇吓！（覺得金剛呢類身型有資格拍AV？）記得佢之前都拍過一套電影多裸露鏡頭嘅，但反應好似麻麻！」

張嘉兒

錢國偉

錢嘉樂