女子組合Robynn & Kendy雖然出身自有米家庭，但二人誓靠實力，不靠父蔭！近日兩女自編自導自演為非主打歌曲拍MV，更放下木結他，與樂團合作初嘗以人聲作為伴奏。

近日Robynn & Kendy作新嘗試，參與「無伴奏合唱節演出」。

Robynn & Kendy自資拍MV，與樂迷分享音樂。

Robynn雖然出身富裕家庭，但堅持自己。

近年香港歌手相繼北上掘金，女子組合Robynn & Kendy成員葉晴晴（Robynn）被爆家人在內地甚具影響力，不過她堅持靠自己：「覺得唔需要咁心急話打入內地市場，屋企人都話想幫吓手，不過我唔係咁想，嗰種滿足感係唔同嘅！」孫曉慧（Kendy）亦表贊同：「我覺得最重要係可以同人分享音樂，大騷細騷各有各好。」

乘機拖型男談情

為了讓樂迷細心欣賞碟中的每一首歌，她們近日自編自導自演為非主打的歌曲自資拍MV，Kendy在MV中乘機跟型男談情！Robynn羨慕地說：「佢咁靚仔！」Kendy則甜絲絲地說：「我哋有拖吓手咁囉！」問到私下有否聯絡？她笑說：「都有嘅！我哋會約埋其他幫我哋手嘅朋友出嚟食飯。」

此外，她們近日作出新嘗試，聯同「香港旋律」人聲樂團，參與「無伴奏合唱節演出」。自言綵排時間不算長的她們說：「真係好開心我哋一拍埋就成咗件事！完全唔用樂器，要當人聲係樂器，難過自彈自唱。」雖然有難度，不過可以成班人表演，二人大呼開心過癮！