星光大道擴建告吹，康文署可謂「自己攞嚟衰」，署長嫦嫦面子盡失，呢日仲要畀市民大肆揶揄一番。
市民︰要擴建嘅餐飲、電影展覽場地及觀景瞭望台全部都化為泡影……
嫦嫦︰真亦假時假亦真，真真假假又何需執着？
市民︰仲敢同我講真假？丟架就有你份！
嫦嫦︰……擴建告吹都有佢嘅好處。
市民︰唔係啩？
嫦嫦︰施工時間本來要三年，依家只係簡單翻新，星光大道咪可以快啲重開。
市民︰咁個景點仲有乜吸引力？星光大道？呢鋪唔大悼都唔得喇！
嫦嫦︰……好喇，我會吸取今次無公開招標嘅大教訓。
市民︰係先好講，做嘢咪再大覺瞓喇！
第一手消息請下載on.cc東網李衞
