東網電視
更多新聞短片平日金句多多嘅工聯會立法會議員「阿王」王國興，亦係議會內嘅道具王，不時喺發言批評政府同泛民主派時，以自製道具配合演出，其中最「突出」嘅，肯定係為單肢殘疾人士爭取申領傷殘津貼資格嘅道具「天殘腳」。但佢話隨着新一份施政報告終於落實措施，天殘腳喺呢幾日最後一次亮相，從此告別議會。
王國興為爭取單肢傷殘津貼資格嘅道具「天殘腳」，從此告別議會。
王國興
阿王話早喺○七年，已向政府爭取向單肢殘疾人士提供傷殘津貼，建議橫跨三屆政府、足足十年後終於有成果，單肢殘疾人士同時可獲乘車優惠。佢特別感謝義工製作逼真假腳「感動」社會和政府，又感謝市民喺假腳上簽名支持。
其實佢過去著名嘅道具包括爭取男士侍產假嘅道具BB、要求從速「剪布」嘅金鉸剪、批評前特首曾蔭權爵士「擠牙膏」式供應房屋嘅紙製牙膏，同埋不滿施政報告措施「有頭無尾」嘅「直布羅陀猴子」等。
第一手消息請下載on.cc東網
