政壇：吳傑莊抗傘兵 攻八界別選委
為咗抗衡傘後組織，青年專業聯盟召集人吳傑莊亦打算喺高等教育界、資訊科技界等八個專業界別，派出三十至四十人，年底出戰選舉委員會選舉，希望有一半人當選。
吳傑莊
吳傑莊話以資訊科技界為例，上次取得尾席嘅互聯網專業協會會長洪為民，亦需要六百零五票，估計年底選舉嘅選民人數會增加，最少需要取得七百五十票先可確保當選，佢哋將會主打開明建制派、真本土。會長陳繼宇解釋，佢哋唔認同適度有為，支持恢復積極不干預政策。
但吳傑莊上次選舉表現亦強差人意，僅三百六十八票，能唔能夠多取一倍選票當選？實在令人懷疑。
