申訴專員劉燕卿尋日點名炮轟食環署打擊店舖阻街成效不彰、執法不嚴、放生非法霸佔行人路擺放貨物嘅店舖，只係口頭警告了事，檢控同罰款金額偏低，又唔參考無牌小販嘅處理方法，即係檢控兼充公違規擺街嘅貨物，造成不公。換言之，霸街嘅店舖係元兇，食環署就變成咗店舖阻街問題惡化嘅幫兇！呢個問題咁多年都解決唔到，食環署署長劉利群唔好再乜都唔做，唔該諗吓辦法畀番條路市民行吓啦。
