SUN焦點：租金轉嫁食客市民逼捱貴飯

羊毛出自羊身上，食肆租金大增，最終轉嫁顧客身上。「依家喺大埔區，好少地方可以吃到三十蚊一份午餐，而且呢區都係做街坊生意，食肆根本唔使咁靚裝修。若果租金上升被迫加價，點會仲有人嚟食?」食客李先生直斥領匯做法不合理，令大元邨失去「平民飯堂」；食客林小姐亦慨嘆，「呢度啲嘢食真係好抵，領匯加價，擺明要市民捱貴飯。」

領匯玩殘食肆，早已有前科，有食肆被加租近五成，甚至倒閉。其中屯門友愛商場，○八年由領匯接管後，便以翻新商場為名，加租趕走中小型食肆。開業於八五年的一間餐廳，自領匯管理後，租金由二萬八千元，加至五萬多元。

該餐廳原本租約今年六月到期，惟領匯要求餐廳調到大埔廣福邨或屯門大興邨，月租十二萬元。老闆拒搬遷後，領匯提供友愛商場仍在裝修的熟食中心舖位，但租金要八萬元。此外，沙田大圍美林邨領匯商場的金城茶餐廳開業三十多年，租約原於一一年六月底屆滿，老闆曾透露被領匯大幅加租六成。