青山疏忽 愛兒枉死 癌母哭討公道
「我捱到阿明（尹耀明）肯改過自新，點解要佢死？點解唔係我死？」罹患末期腸癌的尹媽媽料不到，三十四歲兒子阿明濫藥十多年，去年留醫青山醫院治療，計劃出院後重投社會工作，竟因院方未及時察覺他服藥後血糖水平狂飆而不治。白頭人送黑頭人，尹母悲痛說︰「要幫阿明攞番公道！」院方指病人出事前，主診醫生已確認血糖報告，並指個案交死因庭跟進。
患末期腸癌的尹太（右）哭訴︰「我終於捱到阿明肯改過自新，點解要佢死？點解唔係我死？」旁為死者尹耀明的胞弟。
尹耀明（右）與媽媽感情深厚，留醫期間每日打電話給她，承諾重新做人。
尹耀明十多歲開始飲咳藥水，但母親對他不離不棄。尹母昨哽咽說︰「我患了末期腸癌，已擴散其他器官，好擔心自己走咗後無人照顧佢。我幾辛苦都要做化療，只想捱到阿明改過自新一天。終於畀我等到佢承諾會改，仲話會好錫我……點解要帶走佢？點解唔係我死先？」
阿明去年八月留醫青山醫院，雖然體重超重，但身體檢查正常，病情穩定，原計劃今年三月申請宿舍，繼續接受康復治療，逐步重投社會。
轉藥四個月急增40磅
阿明弟弟昨說，兄長去年尾轉藥，之前血糖正常，但轉藥四個月後體重急增四十磅，「仲成日話口乾、尿頻、容易疲倦，事後查資料先知全部都係糖尿病徵狀」。他說，阿明今年三月中發燒轉往屯門醫院，入院檢查血糖度數錄得三十九度嚴重超標，兩日後死亡。
尹母在屯門醫院工作，想不到在工作地點送別愛兒︰「喺醫院返緊工，收到電話話阿明情況危急，趕到病房只見好多醫生搶救。最終救唔番，醫生當時話佢咁後生，點解個心會咁差？」
院方否認睇漏眼指控
尹母批評，阿明死後兩個月，與青山醫院代表會面時，院方承認三月初曾為阿明驗血糖，指數超標達十九度，但護士「睇漏眼」，醫生亦無跟進，「佢哋小小疏忽就害咗阿明」。
青山醫院昨回應指，因病人體重增加，主診醫生三月初提早安排驗血糖，同月十二日確認報告內容，並勸喻病人要控制食量，否認「睇漏眼」指控，重申個案轉交死因庭跟進。醫管局行政總裁梁栢賢昨表示對事件感難過，內部會研究事件成因。
