大搜查：違建組合屋猖獗 部門「你急我唔急」
違例「三無」組合屋除結構安全成疑，亦令附近村民擔心會惹來閒雜人等影響治安。元朗區區議員黃偉賢指出，近年區內鄉郊村落愈建愈多違例劏房組合屋，村民即使及時發現並作出舉報，地政總署與屋宇署等部門卻以「你急我唔急」態度處之，甚至劏房正式「入伙」仍未執法，出現非法劏房及住戶「易請難送」情況。
釘契無阻嚇力
「通常呢啲違例寮屋都係租畀啲短期租客，有時啲人住幾個禮拜就走，街坊根本就唔會認得呢啲陌生人，有擔心都好正常！」黃偉賢不滿地政署即使面對村民投訴，亦以龜速處理，而且往往僅發警告信或「釘契」了事，甚少根據地契收回土地，「釘契唔影響出租，根本一啲阻嚇力都冇，啲人梗係唔會拆屋或者搬走啦！」
