米芝蓮摘星之路，對平民點心店一點心來說是又愛又恨。一點心前年獲評一星，得到兩倍客量，但換來食客期望過高、人手超負荷，食材難預、加租浪接浪的考驗；去年搣星是解脫，亦是重新起步，別了長龍，但品質更勝從前。另一被搣星的留家廚房老闆劉晉指︰「經營者要睇的是一盤生意，以最好品質待客，呢啲比有無國際肯定更加重要。」

劉晉認為，米芝蓮指南引起港人對飲食界興趣，卻不是唯一標準。

即使是平日的下午五時，一點心仍座無虛席。

周二下午五時，位於太子的一點心出現空桌，但不出十分鐘又有食客填上。沒星的日子客量確少了，但經理胡健成指夠就是最好。客人不用等太久，侍應不用趕翻枱，廚師可更花心思製點心。近期胡更有時間於餐牌上加入俄文、德文等描述，「唔少遊客食完就寫blog，一個介紹一個嚟。」回想摘星歲月，他以恐怖形容：「間舖四十個位，飯市入完四十個客，仲有最少六十個等緊，幾耐都等，簡直瘋狂。晚上七、八點，六成食品賣晒。」吞吐不了的客量，令全店陷入緊張，侍應由四個變十二個，廚房人手五個變七個，「本來想再加，但廚房地方太細。」歸於平淡，他坦言對米芝蓮又愛又恨，「但確係一個機遇去成長。」問想不想再得星，他說︰「隨緣吧！」不願被大篇報道的老闆楊先生補充，以平常心面對得失。

「米芝蓮係國際肯定，被評一星當然開心，但喺香港對生意影響，可能對價錢大眾化嘅食肆影響較大，對中、高價位嘅食肆就唔會太明顯。」留家廚房曾被評為一一年米芝蓮星一星餐廳，老闆劉晉指︰「當時都係都多了一成客。」隨後失落星級位置，他曾檢討，但指從客人口碑中，再次肯定自己。

劉晉對米芝蓮自有一套看法，「佢哋匿名評分，係中立、權威嘅國際標準，不過喺歐洲，佢主要評核消費港幣九百元以上的高級餐廳，喺香港就大牌檔同五星級餐廳共冶一爐，難知標準。」星空歸來，他說米芝蓮不會成為熟客捧場因素，卻成為他們話題，「有時熟客食完，就會同我講︰『今次我會畀你兩星。』」

第一手消息請下載on.cc東網iPhone/iPad/Android Apps