李雲迪多次話：「我們這個時代有必要、有責任推動古典音樂的發展。」
今時今日，好多人想起李雲迪，仍然習慣將佢同蕭邦聯繫喺一齊。自十八歲時成為首位獲蕭邦國際鋼琴比賽金獎嘅中國人起，李雲迪就被打上了浪漫、憂鬱、敏感嘅「蕭邦標籤」。十三年後嘅今日，三十一歲嘅李雲迪正用一場里程碑式嘅古典音樂「遠征」，昭告着自己野心勃勃嘅音樂夢想──不再只係鋼琴王子，而係新一代古典領袖。
今年李雲迪喺內地舉辦四十多場音樂會，其中包括名為「中國鋼琴夢」、為時八十多日嘅大規模巡演。本月底，佢喺北京工人體育館舉辦盛大嘅跨年音樂會，屆時觀眾將逾九千人，又將創下中國古典音樂嘅新紀錄。佢話：「喜歡一個人就會想了解他的全部；喜歡我，你就要了解古典音樂。」
超高人氣亦招來許多質疑，面對「將古典音樂娛樂化」嘅批評，佢淡淡然回應：「我不是將古典音樂娛樂化，古典音樂的規範我一向嚴格遵循。我是將自己娛樂化，只希望打破人們對藝術家的刻板印象。」佢又話：「我去做的事，將留給未來一個時代的劃分。」
第一手消息請下載on.cc東網
