東網電視
更多新聞短片【本報訊】「好似炸彈咁！」飛轆橫掃人群，目擊者形容如炮彈炸街，成地傷者。不幸成為巨轆首個肉靶的老伯陳炳輝，是退休地盤工人，幫經營玉器生意的友人賣玉打發時間，其子透露，父親打算揀一隻靚的玉鈪，準備農曆年返回汕尾鄉下送給九旬老母親作禮物，詎料昨日遭遇飛來橫禍，家人擔心不已。
目擊途人指飛轆事發突然，希望傷者早日康復。
受驚的涼茶舖女店員回家後仍猶有餘悸。
店員嚇到血壓飆至二百幾
陳伯頭部嚴重受傷，鼻子亦歪斜，腦也有積血，昨晚仍昏迷，可能要再接受手術。陳伯與妻子同住旺角海富苑一單位，育有五名子女，其長子在港從事裝修工作，其餘四子女仍在汕尾家鄉生活，近來街坊見到陳伯胸前掛滿玉飾在街邊擺賣，陳伯長子稱，父親原為地盤工人，退休後愛在區內行逛當做運動，據悉與大角咀一名玉器小販相熟，父親曾稱欲挑選一隻玉鈪，送給鄉間年逾九旬祖母作為新年禮物。
目擊陳伯倒在面前的涼茶店女店員阿瑜（四十七歲），被嚇到血壓狂升，須送院觀察，她稱：「最初我先聽到『砰』一聲，跟住見到一團黑影喺眼前飛過，走出舖頭一望，見到幾個人攤喺地，其中一個阿伯流晒血，冇晒反應，我本身血壓偏高，見到咁多血真係好驚，嚇到手都震晒，救護員幫我量一量，原來（血壓）升到二百幾！」
在現場擺檔推銷寬頻的麥先生稱，當時見飛轆打中陳伯後，再擊中一名外籍傭工和一名老婦，「好驚，件事好突然，真係飛來橫禍！我自己好彩無事，但有人受傷都好唔安樂，希望傷者無事，早日康復。」亦有目擊者形容，飛轆「好似炸彈咁」橫掃人群，途人雞飛狗走，成地都是傷者，場面震撼又驚人。
第一手消息請下載on.cc東網
