聖誕鐘未響，派對的歡呼聲率先響遍耳邊。三個青年團體包括菁英會、香港青年聯會及華菁會日前攜手開Party，大玩「粉紅聖誕閃爍夜」。型男淑女穿上粉紅戰衣，就係最佳入場證。太忙來不及變身？無緊要，噴上一頭閃髮，一樣Blink Blink搶鏡。另一邊廂，零售業喺2013係豐收一年，化妝品更賣個滿堂紅，老闆、員工荷包脹卜卜，齊聲讚好。香港化妝品同業協會日前歡聚一堂舉行周年晚宴，大玩「金妝薈萃宮廷宴」，賓客們華麗變身，穿上宮廷晚裝，爭妍鬥麗一番。

金妝薈萃宮廷宴
潮媽俏娃
前港姐寇鴻萍（左）與千金唐貝詩都係愛美之人，不時交流潮流資訊，更約埋行街買靚衫。

度身訂造
莎莎國際主席郭少明（中）以皇帝Look現身，郭羅桂珍及鄭明明（左）都訂製宮廷裝，響應大會Dress Code。

甜在心頭
莎莎太子女郭詩慧（右）與老公陳振邦剛遊新加坡慶祝結婚五周年，老公送上戒指表心意，氹得老婆甜在心頭。

奪目閃裙
詩琳集團營運總裁謝欣玲（左）穿上性感閃裙，老公陳裕豐大讚漂亮。

粉紅聖誕閃爍夜
難得輕鬆
郭晶晶（左）同老公霍啟剛為湊仔不時齊齊捱眼瞓，呢晚難得輕鬆吓，啟剛今晚以青聯主席身份出席活動。

坐定上妝
觀塘區議會主席陳振彬（中）坐定定任由化妝師噴上閃粉，菁英會榮譽主席洪為民（左）在旁睇見偷笑，認真鬼馬。

聖誕充電
東華總理陳曉鈴（左）聖誕將去新西蘭充電，旁為其好友ATC EnergyTech 執董賴偉星。

聚首一堂
前立法會議員霍震霆公子霍啟山（左起）、青聯常務副主席林亨利、觀瀾湖集團副主席朱鼎耀、前仁濟醫院董事局主席李文斌及青聯副主席吳傑莊，聚首預賀佳節。

第一手消息請下載on.cc東網iPhone/iPad/Android Apps