財富地產集團董事長王喆（中）推銷城堡別墅，趙國雄（左）同曹其敏（右）齊捧場。
長實執行董事「趙樓神」趙國雄日前出席北京一個別墅樓盤推介會時，巧遇港龍航空創辦人曹光彪孻女Diana曹其敏，Diana係代理龐巴迪（Bombardier）私人飛機嘅華翔航空董事總經理，趙樓神好似執到寶話正打算買架私人飛機，遲啲約Diana詳細傾吓喎！
玩私人飛機咁high？趙樓神笑笑口話，最近有私人飛機公司向佢報價，價錢高達九位數，即係億億聲，佢好客氣話自己點買得起？所以諗住同朋友夾份，自己人想飛時就飛，唔飛嘅時候就交畀私人飛機公司出租，玩樂及投資，一舉兩得。
第一手消息請下載on.cc東網
