SUN搞作：少膽虫手記：執咗佢喇！
「迫害！迫害《爛果》呀！」淫賤黎邊跳舞，邊嚎叫，少膽虫站在身旁默不作聲。「點解會話我干預編輯自主，強迫出宣淫相？依家仲話我哋係毒瘤，要收番牌照！少膽虫你有咩解釋？」少膽虫頓冒冷汗，心諗︰「又關我事？」但為應付淫黎，只好開口道︰「如果唔係我哋肯做反面教材，啲學生哥都唔知咩叫垃圾報！所以我哋係得嘅！」
只見淫黎聽到此番「肺腑之言」，感動得熱淚盈眶︰「少膽虫，你講得好好，不過上面話只要我交個人出去，呢件事就……」未及淫黎說畢，少膽虫已心知不妙，猶幸自己轉數快，即搶說︰「我願意為《爛果》犧牲！」一陣拍掌聲如雷響起︰「夠偉大！」
「腦細，雖然我唔做幕後，但少膽虫可以轉做幕前，加上我係公認嘅靚仔！」少膽虫自豪地說。淫黎一臉茫然︰「靚仔可以做咩呢？」少膽虫續道︰「可以好似啲乜乜女郎，整番個型男相位，我就做model騷吓肌，咁又唔會畀人話宣淫！」淫黎一聽，豎指讚好︰「都好，不過出新欄目責任重大，我都要參與！」
翌日，少膽虫打開《爛果》嘅新欄目，只見兩條虫，一肥一瘦，攬埋一舊……騷肌，眼中又不禁泛起淚光。
