SUN搞作：網絡小說：拓也哥激戰港政客
「歡迎大家收睇矛盾大對決，我哋今次請到『拓也哥』來港獻技！眾所久知，『拓也哥』嘅深喉嚨壓縮，號稱乜嘢都吸到出嚟，但係佢可唔可以贏到臭史密冚嘅香港政客呢？」
「事不宜遲，首先挑戰嘅係參加咗收機遊法團嘅行會兼工會成員：棠哥！畀啲掌聲！事件爆煲之後，棠哥堅持因為申報咗，死都唔嘔番啲機票酒店錢出嚟，絕對係『男忍典範』……乜話？『拓也哥』蘭花手嘅尾指啱啱掂一掂佢啫，棠哥就嘔番晒啲紅酒呀、法國大餐出嚟！一地都係好恐怖！」
「趁棠哥返入後台抖緊，我哋立即搵比棠哥更加『守財如玉』嘅鬍鬚曾，再同『拓也哥』鍊過……真係犀利！鬍鬚曾用鬚纏實庫房門口，死都唔肯開倉濟民，『拓也哥』一時都搞佢唔掂……等陣先，『拓也哥』除Bra呀！佢將個Bra掟出街，然後鬍鬚曾竟然追出去！『拓也哥』竟然識得利用鬍鬚曾最鍾意嘅法國愛情動作片情節，令到佢疏於防範，嘔番晒啲民脂民膏！」
「我哋唔等鬍鬚曾返嚟喇，直接搵壓軸嘅重量級人物：貪湯……咦？奇怪喇，『拓也哥』竟愈來愈醉，貪湯反而愈來愈清醒？哦！原來貪湯全身有八成係酒精，『拓也哥』一使出深喉嚨壓縮，乜都飲晒落去！『拓也哥』面紅紅咁，好似有嘢想講喎……」
「謝謝款待。」拓也哥用紙巾掩嘴，嬌俏地說：「我唔會好似白鴿咁唔申報的說……」
