政壇：陳柏楠泰北坐禪悟人生
香港證券商協會會董陳柏楠（Tom）月前去咗泰北山上「雙龍寺」，本來諗住參觀吓，誰知行到寺內偏廳一角，突然被靈氣吸引好想打坐，竟然如老僧入定，一坐便四小時，期間動也不動，之後心情亦豁然開朗。
泰北雙龍寺吸引唔少信眾到訪。
陳柏楠盤起雙膝打坐，一坐就四小時。（受訪者提供）
篤信佛教多年嘅Tom，十七年前喺台灣學習禪修打坐，佢話金融工作爭分奪秒，踏進公司大門一刻就進入作戰狀態，時刻要打醒十二分精神，壓力真係好大。講到今次奇遇，佢話專注打坐一刻，忘卻煩惱，回復真我：「我睜開眼一刻，根本唔覺坐咗幾個鐘。」「叉電」四小時後，思路更清晰：「打坐令我認清自己，珍惜當下擁有的東西，卻唔會執着於成敗得失，人生活得更自在。」
