為一間屋，兩家人兩個月內兩度報警，不斷「以牙還牙」。「有人剪我屋企個鎖，之後仲改用咗個新鎖鎖我間屋，我咪反剪番佢個新鎖，再買個新鎖再鎖！」羅女士怒斥。法律界人士直言，互相報警投訴對爭奪業權毫無幫助，甚至會被視為搞破壞，最有效方法是透過民事程序，交由法庭裁決。
水電煤單據佐證
法律界人士伍毅文稱，剪鎖再加鎖的行為對爭奪業權無幫助。他稱：「邊個係屋主，係要由法庭判，而唔係你走去鎖吓剪吓就展示你有操控呢間屋嘅權力，如果你想去告對方破壞你間屋個鎖，其實都好難，除非有證據，否則上到法庭，通常無人會認搞破壞。」
律師黃國桐指，按照本港法例，只要私人土地被霸佔十二年，佔地者可向法庭申請逆權侵佔，取得業權。一經審裁官裁決，業主不能再趕走佔地者。黃解釋，持有手寫地契的一方，如能有證據證明自己在物業住滿十二年，就可向法庭申請逆權侵佔：「只要住緊嗰個有人證、水電煤單據等等，可以證明佢住咗十二年或以上，就一定贏晒；而另一方（持有田土廳契約的一方）如果真係業主，佢咁多年都唔去理呢樣嘢，輸咗間屋又怪得邊個？」
第一手消息請下載on.cc東方互動
