「呢個香港病咗！呢個世界調轉咗！」李衞呢排愈來愈長氣，成日發開口夢，覺得自己就快變成憤青咁。昨日，李衞睇住醫委會法律顧問年逗500萬人工單嘢，忍唔住又爆發喇……
李衞：你成日遲到，憑咩拎咁高人工呀？
狀師：因為我遲到都可以做到晒要做嘅嘢，效率高！
李衞：但係你浪費好多人嘅時間喎！
狀師：首先，佢哋係義務嘅，即係政府無畀錢啦，咁即係無浪費公帑啦！其次，邊有人做義工做到佢哋咁斤斤計較？反省吓啦！
李衞：死都拗翻生？抵你榮膺加薪王，年年加薪，貴過特首！
狀師：使乜講！我係衞生署訓練出嚟嘅！
李衞：你就係衞署實習大狀嘅同鄉？
狀師：無錯！衞署狀師，安心聘用；衞署狀師，融入署中！
李衞：＊＆＃％︿（＆＊︿！
第一手消息請下載on.cc東方互動
