容永祺喺烏克蘭親自攬住幅名畫上機。（受訪者提供）
香港專業及資深行政人員協會創會會長Samuel容永祺最近接連買畫。話說佢喺上月下旬同太太以及朋友到俄羅斯同烏克蘭旅遊，其中喺烏克蘭仲意外「執到寶」，用三千五百多美元、即港幣二萬七千多元買咗一幅八十年代名畫，之後有朋友話佢好眼光，因為呢個價錢比真實價錢平咗一大截。
既然難得買到心頭好，Samuel都對呢幅名畫珍而重之，之後搭飛機時親自攬住上機，而且上機前仲要拎埋證書先可以出境。最近，Samuel又睇中咗已故著名畫家梵高兩幅名畫，雖然有關名幅係仿製品，據聞每幅都要二十五萬元，不過Samuel都心郁郁想一併買下，因為最近想為家中客廳「換畫」。
Samuel大方承認，早前見到發展局局長「波波」陳茂波遇上交通意外，曾發短訊慰問，唔知波波有無趁機同Samuel呻下個「熱廚房」太熱呢？
第一手消息請下載on.cc東方互動
