巧立名目加價變趕客

對於日式和意式餐廳餐牌分別以日圓及歐元定價，卻以港元結算，執業大律師陸偉雄認為，該收費方法易造成混亂，「入到餐廳先知係『十算』，又唔係用日圓畀，可以構成不良銷售手法，雖然餐廳入面餐牌寫咗話以港幣付帳。」陸重申，自定匯率為方便計算純屬藉口，「如果齊頭好嘅，五算都得啦！」他建議，價目以港元列明會較清晰，避免造成不必要誤會。

「一係餐牌講到明，或者索性全線加價。」香港餐飲聯業協會會長黃家和批評，「走冰」加錢的做法巧立名目，借勢加價，他認為點餐才說明加價難免令食客不滿，反變趕客。「茄醬一包來貨價的確差唔多一蚊；粉狀飲品呢幾年轉售內地市場，需求多咗，貴咗唔出奇。」不過，他認同近年食材、租金和人工持續高企，以致整體成本有升無跌，即使個人遊旅客上升，亦對業界沒大幫助，故此食客難免「食貴嘢」。