SUN搞作：少膽虫手記：你到底明未？

「少膽虫，返工仲瞓覺，不如長眠啦！《爛果》流血不止，你就流口水不止，係咪想壹全霉快啲摺埋……」就係咁，我畀淫賤黎省足一粒鐘，雖然我只係當佢耳邊風，但係寶貴嘅午睡時間就咁冇咗，真係唔抵。

唉，其實淫賤黎捉我嚟鬧都冇用o架，佢根本唔明，壹全霉搞到今時今日咁折墮，都係佢自己搞出嚟。你估我哋呢班打工仔，真係想日日宣淫販賤，日日畀人鬧咩，係淫賤黎自以為邪可勝正，搞到壹全霉嘅出品不倫不類，先至成為全民公敵啫。

另一個致命傷，就係淫賤黎成日充晒反中亂港領頭人，自以為係先鋒，其實係爛頭蟀咋。你哋有眼睇啦，呢條肥佬去到邊都神憎鬼厭，溝埋《爛果》炒埋一碟，唔反胃就假啦，仲講乜銷量？有日肯用嚟墊煲底已經偷笑喇！淫賤黎，你到底明未？