SUN揭秘：仿父秘方 18種藥材熬滷水汁
雖然牛雜是廉宜小食，但要煮出令人回味的牛雜，當中的工夫及成本卻不廉宜。 「13座牛雜」開業時父親已過身，湯建業要勞動母親到上環藥材店，把每種藥材都嗅一遍，務求用的材料，都跟足父親當年秘方。「好嘅牛雜滷水汁，係唔會被花椒八角搶味，但同時會溢出香料獨有嘅味道。」湯指，他所用的滷水汁，一共用上十八種藥材。開店前半年，天天在家悉心「養汁」，等到香甜味濃，才正式賣牛雜。「我哋個滷水汁熬咗九年，每日加料，成間舖最值錢就係個汁。」
牛雜滷水汁是鎮店之寶，亦是承傳的希望。
經營一間牛雜檔，除了心力外，財力亦不容小覷。「除咗舖面，我哋另外要租個工場煮牛雜，牛雜運到嚟要洗、出水、風乾先再煮，直到出售，一共要九個鐘準備。」開店前，湯建業已經要支付舖面三十萬及工場五十萬牌費，「由開店到依家，舖租升咗一倍，物料來貨價升咗八成，我仲可以點堅持?」
