SUN揭秘：13座牛雜舖亡心不死

「爸爸死時勸我唔好做牛雜，話賺唔到錢，係我硬頸，始終唔想放棄。」位於北角的「13座牛雜」老闆湯建業，為承傳父親的車仔檔，九年前在新光戲院大劇場旁開設牛雜小食店，天天大排長龍，但都不敵瘋狂上漲的租金，湯建業終低下頭，決定本月尾結業，「我贏的不是錢，是人情與味道，結業總算光榮。」

任何人都渴望成功，但湯建業在成功煮出美味的牛雜同時，卻是為其失敗揭開帷幕。在食評網站，「13座牛雜」得到逾百好評，當中以油膏香溢的肥腸最受歡迎。「肥腸要用鹽沖洗，乾淨得嚟又唔會洗走啲脂肪。」

回流香港 子承父業

最令他感快樂的，是看見客人一臉滿足的饞食樣子，「一開始只有老一輩幫襯，後來愈來愈多後生仔，我好希望將呢種傳統味道傳畀下一代，但可能以後再冇咁嘅機會。」

說起牛雜小食，湯建業眉飛色舞，「最好味嘅牛雜，係同一煲汁入面，各個部位都保留自己嘅原味。」 他指，煮牛雜的秘方是由父親承傳下來，父親舊日用手推車賣牛雜，每晚停泊在柴灣邨十三座，街坊都忘了車仔檔上「良記」兩個油漆大字，反之順口叫十三座，令名字深入民心。

年輕時的湯建業，視車仔檔小食為平民食物，滿街都是，老父過身後，自己亦隻身過台灣工作，一切似乎理所當然。直至十多年前，他從台灣回流香港，「點解成條街會無晒車仔檔？有冇搞錯，以前啲街頭小食被人掃晒？」一個夜晚，他和朋友消遣到深夜，望着空空如也的街道，想起昔日滿街車仔檔的熱鬧，衝口大聲承諾「我要重開牛雜檔！」

接着，他日夜專心煮牛雜，「一隻牛的內臟大約八十斤重，煮完會縮水，愈入味嘅牛雜會縮得愈多，我哋煮完嘅牛雜大概只剩二十斤。」湯建業與父親都堅持，寧願賺少些、賣少些，都要求牛雜要煮到最入味。他的堅持，吸引一班忠實食客。高峰期時，「13座牛雜」坐擁四間分店，但湯建業沒想到煮牛雜的成功卻害了他。

月尾收檔 未知去向

「人哋話人怕出名豬怕肥，原來係真。」賣牛雜賣出名堂，引來雜誌相繼報道，被業主認定生意興旺，年年加租，舖租六年間升一倍，現在每月支付五萬元舖租及一萬元的工場租金，就算食物加價，也是螳臂擋車，結果令他無法繼續營運，「三月底我哋就會正式結業，雖然暫時未知去向，但都係想做番呢行。」

面臨結業，湯建業表示會把牛雜汁冷凍起來，「呢個滷水汁膽要承傳落去，要將佢儲起嚟，留番他日再發揮。」記者在湯建業的眼中，看見要承傳味道的理想，他指一指身旁的牛雜煲，恍如寄託着一種希望。