太陽日誌

近期港股愈升愈有,開始追番二、三月歐美日股市的升勢,恒指上周五以貼近兩個半月高位收市,升109點,報23,321點,周線圖上,呈連升四星期。

太陽日誌

綜合市場預測潤電業績

港股基本面其實無乜大變化,主要係股市參與者感受到外圍投資環境變化,尤其近兩三個星期,全球多國央行透過貨幣政策刺激經濟,歐洲、印度、澳洲、南韓、斯里蘭卡及越南,均在上周加入減息。

恒指有望挑戰高位

今年,恒指由年初高位23,944點,跌至四月中21,423點見底,合共跌2,521點,而跌幅的0.764反彈阻力,剛好是23,349點。上星期,大市反彈高位是周四的23,353點,一度升穿這重要阻力位,若能夠企穩收市,意味後市再試23,944點,甚至挑戰更高水平的機會大增。以中資股普遍處於歷史中下檔次的估值,估計今年股市高位,較大機會在第三、四季出現。

近期股市熱話,是華潤系兩間能源公司重組,咁啱筆者上個月底,先來個套餐推介華潤電力(00836)及華能國電(00902),點知合併消息一出,潤電股價上周五錄得一成嘅跌幅。潤電吞下華潤燃氣(01193),將以每100股新潤電股份換取97股潤燃股份,完成重組後,潤燃會撤銷上市地位。

通常公司合併,原因來來去去離唔開節省營運成本,弔詭是潤電和潤燃的結合,出價唔平(等於將一三年11倍PE嘅潤電撈埋約20倍嘅潤燃一齊上市!),對潤電股東即時好處十分有限之外,兩者業務唔單止無太多重疊,至於可以慳錢嘅地方,史提芬特登搵番兩間公司的債券孳息睇睇,依家潤電一五年到期債trade2.9厘,潤燃二二年債則大約3.45厘,可以估計合併後,兩者融資成本未必慳得好多。

或者仲有硬頸之徒,認為合併後潤電可以發展天然氣發電之餘,亦可透過潤燃獲得開發煤層氣等上游業務的機會,但上游氣井開採從來係資本密集、回報期長兼風險大的生意,要一班存心想穩穩陣陣,揸住隻11倍多PE電力股的基金股東同你去博?難了。

睇番近十幾廿年,綜合能源企業唔太流行,基金鍾意揸電力股或燃氣股,可以各適其適。見上周五股價反應,令人懷疑六月EGM上,可唔可以獲得五成潤電及七成五潤燃獨立股東首肯,如果繼續隊,或EGM前可買嚟博合併「窩河」,博潤電報復式反彈。