三月推介過嘅創維數碼(00751),前周五即市創下6.67元的五十二周新高,但點知上周初畀人洗倉,股價一度低見5.2元,皆因話節能家電消費補貼政策月底到期,而內地仲未有任何延續消息,高低位差距22%,不過周四、五終於止跌回升,收報5.65元,微升1%,低吸機會咪執輸。

創維今年一至四月的銷售數據表現唔錯,如上月3D雲電視機銷量增長4.07倍、LED液晶電視機銷量增長44%等。至於今個財年總銷量目標為1,400萬台,相等於增長23%。當時提過佢想分拆兼收購,動作多多,可炒提升規模憧憬,而公司啱啱公布將就分拆機頂盒業務上市,派特別股息每股4仙。至於兩項交易喺上月已經落實,包括分拆創維數字(估算代價35.23億元人仔),同埋收購遂寧紡織及A股上市公司華潤錦華58.53%權益,即係進行資產互換,相信借殼有助釋放業務價值,股價應可受惠。

創維數碼(00751)

阻力位:6.67元

支持位:5.20元