模特兒Angie伍靜麗日前擔任時裝活動模特兒，透露將喺香港過農曆新年，稍後先返家鄉馬來西亞探望家人。新年佢會到男友家中拜年，亦會到師姐Ana R.家中拜年同探BB。提到Ana R.同Jessica C.相繼結婚生B，會唔會燃起佢結婚嘅欲望？佢笑言：「其實都有少少，始終我都想組織自己嘅家庭，想要小朋友，不過順其自然，結婚都只不過係一紙婚書，我同男友都已經一齊住，冇乜分別。」

伍靜麗話今年會嘗試唔同種類嘅設計工作。

另外，Angie佢話除咗模特兒嘅工作外，今年亦會多啲嘗試時裝設計嘅工作，佢話：「除咗設計tee之外，仲開始設計iPhone case、首飾嗰啲，多方面發展。」

第一手消息請下載on.cc東網iPhone/iPad/Android/Windows Phone Apps