百仁基金尋日舉行新一屆董事局就職禮,理文造紙創辦人Raymond李文俊第二次連任主席,全國政協常委余國春嘅兒子余偉傑就升呢做副主席。Raymond話以往基金多數帶本港青少年參觀內地嘅大企業,但發現參觀大企業無助年輕人創業,來年打算改帶佢哋參觀有成績嘅中小企,例如網上購物平台,畀後生仔吸取創業經驗咁話。

李家傑(中)同施榮忻(左)齊賀李文俊冧莊。

Raymond又話過往基金舉辦青年辯論比賽,認為呢類比賽可訓練年輕人遇到問題時,作多角度思考,所以日後要多啲舉辦,又希望基金可建立促進青年同成年人互信嘅平台。

到賀嘅仲有百仁基金創會主席李家傑、曾任基金主席嘅全國青聯副主席施榮忻等。靚女大狀Eunice容海恩亦同佢任主席嘅銀河管樂團一齊演出,Eunice負責吹小號,真係多才多藝。

第一手消息請下載on.cc東網iPhone/iPad/Android/Windows Phone Apps