政壇：表現劣驚見光死 廢鑊避談爭連任
話說做過平等機會委員會委員嘅立法會議員謝偉俊日前爆料，指任期仲有三個月就屆滿嘅平機會主席「廢鑊」周一嶽，有入紙申請角逐連任。廢鑊尋日現身一個少數族裔相片展，全程只談少數族裔問題，拒證實或否認有關消息。唔通佢驚自己會講多錯多，影響連任機會？
如果周一嶽真係成功續任，就再證明政府用人優劣不分。
廢鑊任內被指偏袒性小眾團體，漠視家長、教育界同宗教團體嘅意見，又多次私自擴權同增加平機會嘅高層職位，令部分社會人士對佢嘅表現劣評如潮。記者叫廢鑊為自己嘅任內表現評分，佢就立即耍手擰頭，又強調自己得到平機會委員、同事支持，自我感覺依然良好。如果政府真係畀佢續任，就再次證明政府優劣不分、專用廢人！
