問責官員近日上載年度利益申報,除咗邊個係樓王惹關注外,我哋都留意到得意嘢。例如民政事務局政治助理徐英偉(Caspar)新增一項利益,就係成為南華體育會永遠會員。唔通佢為咗了解民政局管轄範圍內嘅康體設施,所以自掏腰包做會員?

Caspar笑笑口話,其實係為咗兩名鍾意游水同踢波嘅囝囝就真,加入做會員,就可善用南華體育會嘅設施!睇番南華體育會網站,成為永遠會員只需一次過畀一千五百元。對於月入逾十萬元嘅Caspar嚟講,算係小菜一碟喇!

第一手消息請下載on.cc東網iPhone/iPad/Android/Windows Phone Apps