政壇：鍾海燕闖印　拓糖尿商機

貪靚女士都知食澱粉質易致肥，肥人又係糖尿病高危一族。大家又估唔估到，以薄餅為主食嘅印度糖尿病患者竟多達一億五千萬人！做保健食品生意嘅「光學儀器大王」黃克競太太鍾海燕（Heidi），最近就意外發現呢個龐大商機，仲勇闖印度添！

Heidi早前同合作夥伴余啟宸醫生去印度，Heidi話印度係佛教國家，多數人食素，由於唔食肉易餓，所以佢哋食好多薄餅。但係麵粉嘅血糖指數高過米飯好多，印度人儲埋多餘熱量，自然易肥，故此九億人中，竟然有一億五千萬人係糖尿病患者。難怪去年有有印度生物科技公司發現Heidi公司生產一隻純植物提煉嘅降血糖補充劑，如獲至寶，不停游說合作。