莘莘學子群策群力，創造無限可能。年年為仁濟醫院籌款的海外學生會，早前假香港迪士尼樂園酒店舉行「海外學生仁濟夜」慈善餐舞會。一眾大學生落手落腳籌辦派對，仲齊齊化身模特兒，演繹本地設計師設計的靚衫裙，為慈善揮灑青春汗水，開心到極。同時，不可睇小嘅仲有一班來自香港、北京及廣州七間中學嘅師生，早前齊參加綠色學校交流營開幕典禮，與婦女團體嘅活躍成員共聚一堂。學生們亦為城市面對嘅環境難題尋找解決方案，學做環保小先鋒。

慈善餐舞會
姊妹：仁濟醫院主席林煒珊（右）獲妹妹林煒珽現身支持，兩姊妹感情要好。

行騷：海外學生會主席王嗣鴻（右）及副主席鄭雅文有份換衫行騷，成晚忙個不停。

合襯：仁濟醫院總理葉恭正太太林麗珍（後左）將兩個囡囡（前左一及二）打扮成為童話世界嘅小公主，同好友Joyce（後右）嘅一對子女襯到絕。

啱傾：仁濟醫院總理鮑誠業夫婦（左二及一）與做海產生意嘅好友盧振國夫婦十分好傾。

歡聚：仁濟醫院副主席黃美斯（中）擔大旗搞慈善餐舞會，仁濟前主席董吳玲玲（右三）帶孫女Molly去玩，並與仁濟行政總裁黃偉健（左一）、總理蔡高燕姬（左二）、前主席蘇陳偉香（左三）及總理孫蔡吐媚歡聚。

綠色交流營
支持：慈善餐舞會祈福集團副主席孟麗紅（左）帶學生參觀祈福中學嘅中水處理系統，旁為國父孫中山曾姪孫媳孫程禮慶（中）及菁英會副主席蔡志婷。

欣賞：香港女工商及專業人員聯會副會長韓淑儀（中）、中華基金中學校董黃汝璞（左）及校董倪秀娟讚賞學生不懼炎熱、深入實地考察嘅精神。

培育：香港婦協主席林貝聿嘉（右二）、綠色學校交流營召集人潘潔（右一）及北京婦聯副主席周志軍（左一）與校監伍淑清討論如何培育具環保意識的下一代。

第一手消息請下載on.cc東網iPhone/iPad/Android/Windows Phone Apps