朱潔儀話參觀者都好欣賞佢嘅畫作。
港姐畫家Donna朱潔儀早前遠赴潮州汕頭，到當地嘅「嶺東美術館」參與「2015香港美協會員作品展」。佢透露今次展覽有近四十位專業畫家參與，包括蕭暉榮、何百里等，令佢感到十分榮幸。Donna嘅作品以花為主題，名為「無瑕」，花咗兩個月完成。
Donna話：「我一向都好鍾意畫花，今次想帶啲浪漫風格，所以用藍色同紫色為主調。」佢話參觀者都好欣賞佢嘅畫，但係就有唔少人對佢嘅畫又「捽」又「摸」，令佢非常心痛，但又不知點樣阻止。除此之外，佢仲乘機品嘗潮州菜，尤其愛當地嘅牛肉火鍋。佢話：「當地嘅牛好好味，我都唔怕肥，食咗好多。」回港後，佢即刻去咗欣賞王無邪嘅展覽，並乘機偷師。
第一手消息請下載on.cc東網
