溥儀眼鏡行政總裁邱子傑喺前日四十四歲生日，太太Margaret邱李茂琪細心炮製咗一個慶生東京旅行團，同行仲有李克勤同太太盧淑儀，兩pairs夫妻一向老友鬼鬼，玩得更盡興，但因為收唔到仔女致電祝賀，壽星公一度扁嘴，邱李茂琪見狀急忙送飛吻呵番。

邱子傑（右一）同太太遊東京慶生，同行仲有李克勤（左一）夫婦。

其實邱氏伉儷暑假期間亦曾到日本遊玩，Margaret笑言：「日本去極唔厭，我哋同克勤好好朋友，今次一齊去慶祝，仔女無同行，老公都幫囝囝掃咗好多COMME des GARCONS新貨。由於仔女無同佢講生日快樂，搞到佢有啲扁嘴，因為佢哋好多功課要做，夜晚先同佢講生日快樂，即刻開心番。」追問佢，妳送乜嘢禮物畀老公？佢話：「送飛吻。」仍身在東京嘅佢哋話唔知道有浣熊喺東京秋葉原發生咬傷人事件，指好少去嗰度，所以行程未受影響。

第一手消息請下載on.cc東網iPhone/iPad/Android/Windows Phone Apps