阿Man報稱凌晨三點前已在紅磡港鐵站，等黃台仰現身。（互聯網圖片）
凌晨三點，平常人應該熟睡家中，偏偏忠義民團成員「阿Man」石房有同本土民主前線發言人黃台仰兩人，就相約尋日呢個時間喺紅磡港鐵站大打一場，點知兩人「挑機」會面不成，仲各執一詞互指對方「走數」！
尋日凌晨三點前，黃台仰同阿Man喺個人社交網站實時發貼講最新情況，其中黃留言稱自己要「為民除害」，已出發到紅磡等阿Man，仲警告有走數前科嘅阿Man要應約；黃其後上載喺私家車嘅自拍照上社交網站，證明已到場等候。
但阿Man就報稱喺凌晨兩點五十分已到場，足足等咗四十分鐘仲上載埋手錶相片證明，又話已搵到時間證人，更指斥有人只敢喺鏡頭前勇武。究竟阿Man同黃台仰邊個先係真正「走數」？呢個只有佢哋至知嘞！
第一手消息請下載on.cc東網
