鰂魚涌道：冷氣機狂滴水 食署塞責
「滴到成笪地都濕晒，地面仲生埋青苔，即係情況已經持續咗好耐，同埋唔係一戶半戶嘅事！」鰂魚涌居民李先生每日均會行經鰂魚涌道，指上址有多名住戶的冷氣機滴水，對環境衞生造成影響，且問題持續多時仍未見糾正，「夏天一開始就係咁，都已經滴咗成幾個月！」
鰂魚涌道有大廈冷氣機滴水，行人路濕滑且長出青苔。
食環署發言人表示，接獲本報轉介之後已經多次巡查涉事地址一帶，發現兩幢大廈共有七個單位冷氣機滴水，已要求有關住戶盡快維修，亦發出「妨擾事故通知」，在指定期限內需採取措施，以減除滋擾。
李先生認為，區內舊樓林立，冷氣機滴水問題相當普遍，食環署應該多加巡察及早發出通知，同時加強宣傳以提醒市民，「好多人都唔當滴水係咩一回事，你唔限佢哋幾時整好，好多人都係懶懶閒，拖到冬天唔開冷氣嗰時就算數。」
